S’Amministratzione Provintziale de Nùgoro
s’Ufitziu de sa Limba Sarda ant ammaniau s’addòbiu
LIMBA SARDA. RADICHINAS E FROGHEDDAS
Nùgoro, 1-2 de nadale
Sala cunferenzias de s’Euro Hotel dae sas 10
Nos est pàssiu chi siat bènniu su tempus, a pustis de àere trabuccau medas bortas sichinde s’andala predosa de custa Limba Sarda, de nos arressare e cumprendere s’ite fàchere pro chi no nos benzat mai mancu sa balentia chi amus apiu finas a commo.
De importu mannu est sa presèntzia sos rappresentantes de su Ministeru, Dipartimentu de sos affares regionales, pro faveddare de sa Leze 482/99, chi dat su dinare pro sos Ufìtzios de sa Limba in totu sa Sardigna. Sàpadu a manzanu ant a faveddare sos poetas e iscrittores in Limba sarda.Sighit ...
 

Cale sunt sos piessignos de sa literadura in limba sarda? In ite si distinghet dae sa literadura "creola" in italianu amesturadu cun su sardu? E s'identidade sarda dae sos iscritos in sardos ebbia est rapresentada? O si podet èssere sardos iscriende in italianu puru? Preguntas chi est malu a satisfare in pagas rias, ma chi sunt su basamentu de unu sàgiu de Peppe Corongiu chi publicamus inoghe. " Per una maggiore riconoscibilità della letteratura limbuda" est un'òpera redatzionada in italianu pro una revista de un'àtera minoria linguìstica chi chircat de bogare a craru calencunu "mistèriu" de sa realtade sarda literària a dies de oe. Sighit ...
 

Sa Regione at seberadu s’iscritore Gaine Ledda pro fàghere su comunicadore-testimòngiu de sa limba sarda in sas iscolas. S’artista de Sìligo e su presidente de sa giunta regionale Renato Soru ant firmadu, in Casteddu su 7 de Sant’Andria-Onniassantu coladu, un’intesa inue si prevedint inteventos, dibàtitos, cunferèntzias e “performance” de s’autore de “Padre padrone” in istitutos e entes iscolàsticos de totu sa Sardigna.Sighit ...
 

Roberto Bolognesi, s'istudiosu de Igresias chi traballat pro un'universidade olandesa, torrat a iscrìere dae sa revista nostra a Giulio Angioni, antropòlogu, iscritore e catedràticu de s'Universidade de Casteddu. S'autore de "Sardegna tra tante lingue", unu libru chi riscat de aberu de ghetare a terra totu sa linguìstica sarda pro comente dd'amus connota fintzas a como, cheret respostas pretzisas a preguntas pretzisas. <Ma ddu scis poita custas cosas deu ti ddas scriu in sardu? A parti chi mi praxit, ma scriendi in sardu seu seghendi a fitas sa boria de is chi si funt sempri cretius ca sa diglossia fiat una cosa naturali, ca in sardu—lingua inferiori!—de custas cosas non fadiat a ndi fueddai. In sardu non at fatu a fueddai de custas cosas fintzas a candu is intelletualis sardus ant fatu che a tui! Tui “non cumprendis” poita is sardus ndi bolint bessiri de sa dipendentzia curturali e funt circhendi una dinnidadi noa, un’identidadi noa, moderna (o post-moderna), ma sarda>Sighit ...
 

Su 29 de Santu Gaini coladu in Tatari ant amustradu in pùblicu, pustis trinta duos annos, sos 4 mìgia fragmentos de sos gigantes de Monti Prama. Ddos aiat agatados in su 1974 unu massaju in sa cussorgia de su Sinis. Istatuas mannas mannas e meda prus antigas de cussas gregas diant àere ischidadu in cada logu de su mundu sentidos de orgolliu fintzas pro ddas valorizare a manera culturale e econòmica. Ma in Sardigna s'orgòlliu natzionalitàriu est perigulosu, mèngius a ddas cuare... Sighit ...
 

<Sa prima cosa chi amus fatu, unos cantos meses a como, est de àere adotadu una risolutzione legale in sardu. Su guvernu de sa Sardigna at adotadu unu documentu legale in sardu. Posca annos e annos chi si faeddaiat de limba, ma sa Regione non la faeddaiat, nois amus fatu carchi cosa de diferente. Pro una bia nessi amus faeddadu in sardu>. 
Sunt sas paràulas pretzisas chi at naradu Renato Soru a su giornalista Dmitry Voskoboynikov de su diàriu russu Ogornyok carchi die como. Respondende a dimandas subra sa diversidade de sos sardos e italianos, Soru at mentovadu sas tesis de Giuanne Lilliu, archeologu natzionalitàriu e ùnicu sardu chi faghet parte de s’Academia italiana de sos Linceos. Sighit ...
 

Est pretzisu a impreare dae luego sa limba-istendardu de sa Regione in òperas artìsticas? Forsis nono, ma est pretzisu a nde resonare nessi. Sos tempos, a cantu paret, non sunt cumpridos in Sardigna pro fàghere comente sas àteras minorias europeas. Pro medas poetas e iscritores “limbudos” su refudu (o mèngius sa dificurtade) no est peroe pro cussu particulare istandard (lsc), ma pro onni casta de limba-mògliu. E custu est de interèssu meda pro chircadores e osservadores de sa realtade sarda proite sa beridade est ca, onni poeta e onni iscritore, est unu istandardizadore e unificadore pro contu suo.Sighit ...
 

Sas eletziones catalanas fatas pagu tempus a como ant agatadu a sa fine binchidores e bintos. At a èssere unu abatu intre Sotzialistas, Indipendentistas e Birdes a ghiare sa Generalitat gasi comente fiat cuntessidu fintzas a pagu meses a como. Presidente no at a èssire prus su sotzialista Pascal Maragall, ma Josè Montilla chi at èssere su primu sutzessore de su mìticu Pujol non nàschidu in Catalùnia giai chi est de raighinas andalusas.Sighit ...
 

Tradùere o nono in italianu sas òperas iscritas in limba sarda? Est sa pregunta chi est essida fitiana in sa presentada de su libru de Antonandria fata in Làconi su 3 de su mese de Sant’Andria-Onniassantu.Sighit ...
 

Su Sótziu culturale SentidoS est nàschidu e cheret traballare po li dare s’importu chi lis ispettat a sa limba, a sas traditziones e a sa cultura de cust’ísola. Est galu incominzande a ghetare sos primos passos, comente a unu pizzinnu minore e, che a isse, andat abbellu, pro èssere pius forte e seguru.Sighit ...
 

Un'anàlisi funduda fata dae Matteo Ionta de su chi est su ruolu de is mass-media in Sardigna e cale podet èssere s'impreu de custos po afortiare o indebilitare s'identidade in s'ìsula nostra Sighit ...
 

Apparso in Isole linguistiche? Per un'analisi dei sistemi in contatto, Atti del convegno internazionale, Sappada / Plodn (Belluno), 1 - 4 luglio 1999, a cura di Gianna Marcato, Padova, Unipress, 2000, pp. 49 - 55. Versione riveduta ed ampliata.Sighit ...
 

Custu artìculu l'amus publicadu duos annos a como e dae tando no at cambiadu nudda. Nos paret una betze 'e tontesa a sighire in custa moda ideàtica de festare una die istràngia in logu de sa nostra. Unu muntone de americanizatzione est carragende sa vida culturale de Sardigna e paret chi nemos si nde abiget. Ma no est istrambu custu? Totu cuddos chi paret chi si nde tirant sa pedde cando solu solu si faeddat de istandardizare su sardu proite no intervenint? Proite non regollent firmas? Proite non imbiant artìculos a s'Unione? E custu de Halloween no est unu avesu chi ponet in perìgulu sa limba e s'identidade de ognunu? No amus mai a tènnere una limba ufitziale in Sardigna (in capas 7 o 8), ma de festas americanas in su mudìmene de sos difensores de "su connotu"...Sighit ...
 

Est in edìcula Làcanas cun unu sàgiu de Pepe Coròngiu subra sa Limba sarda comuna. Sa revista ghiada e fundada dae Paulu Pillonca at dedicadu a custu tema sa cobertina de custu numeru, su de chimbe de ocannu, e chi pertocat a sos mese de Cabudanni e Santu Gaini. S'iscritu cuntenet su contu de comente s'est lòmpidu carchi mese a como a a s'aprovatzione de s'istandard ufitziale de sa Regione in limba sarda.Sighit ...
 

Est essidu su libru-film de Frantziscu Cheratzu "Sa paristoria de Bakis". Bakis est unu pitzocu chi bolet zirare mundu po connòschere zente e logos noos. Partit dae domo e zirat sa Sardinna atobiande personazos fantasticos e fainde aventuras, ma no si frimmat addenanti de su mare… Custu libbru zughet aintro unu DVD de 32 minutos cun su contu de Bakis e in prus fintzas de comente issu est nàschiu. Ddu podeis ascurtare in sardu o in italianu e bíere sos faeddos iscritos in sardu, italianu o ingresu. Sa pelìcula est fata fintzas cun s'agiudu de su Sòtziu limba sarda.Sighit ...
 

Publicamus una versione noa de su traballu de Matteo Ionta in ingresu chi aiamus giai publicadu carchi mese a como. Consigiamus de lèghere cun atentzione manna e si b'est unu editore capassu de abaiadare pru a in antis de su nasu de lu leare a cussideru pro lu pubblicare. Sighit ...