Est in edìcula Làcanas cun unu sàgiu de Pepe Coròngiu subra sa Limba sarda comuna. Sa revista ghiada e fundada dae Paulu Pillonca at dedicadu a custu tema sa cobertina de custu numeru, su de chimbe de ocannu, e chi pertocat a sos mese de Cabudanni e Santu Gaini. S'iscritu cuntenet su contu de comente s'est lòmpidu carchi mese a como a a s'aprovatzione de s'istandard ufitziale de sa Regione in limba sarda. Est unu artìculu polìticu-iscientìficu, o si agradat de prus, sotziulinguìsticu subra su dibatu, sas positziones diferentes, sos sèberos regionales sa chistione polìtica de s'unificatzione e de sa normalizatzione de sa limba de minoria sarda. B'at fintzas una bibliografia resonada de sas fontes, sos documentos, sas òperas chi prus de àteras ant cuntribuidu a custu resurtadu. Est unu basamentu de importu fintzas pro chie s'acostiat a custos argumentos cun s'ogru de s'istudiosu proite sunt mentovados totu sos elementos chi podent serbire fintzas pro un'analizu dae unu ntu de ida diferente. S'autore non cuat su parre suo, ma ponet sos àteros in gradu de l'iscumproare. Sa limba impreada est s'italianu a finis divulgativu foras de Sardigna puru, su tìtulu: "Perchè è giusto sostenere sa limba comuna". 


Làcanas - Rivista bilingue delle identità - n°5, Domus de janas editore, Selargius, 2006., pagg. 84-97. disponibile in tutte le edicole o librerie della Sardegna e anche su internet in www.domusdejanaseditore.com. euro 4 


su 3 de su mese de Nadale in Sèdilu, gràtzias a s'organizatzione de su Sòtziu Iloi, dibàtitu pùblicu subra sa Limba sarda comuna cun Pascale Onida, Tore Cubeddu, Giuseppe Corongiu, Cristiano Carrus, Elisabetta Pilia. 


Pro nde ischire de prus e àere bibliografias de riferimentu ispetzialisticu subra sa chistione de sa Limba Unificada, Limba de Mesania e subra s'impreu de su sardu in atos ufitziales (limbàgiu giurìdicu-amministrativu) est sèmpere a disponimentu in totu sas librerias sardas 

Corongiu Giuseppe, Guvernare cun sa limba, Condaghes, Cagliari, 2006. euro 15 

si podet pedire in internet puru in www.condaghes.com 

s'autore e s'editore sunt disponibiles pro presentare su libru a indonu e in s'ocasione informare subra custas chistiones, iscriere a diariulimba@sotziulimbasarda.net