“Su sardu limba amministrativa, leterària e fitiana” custu est su tìtulu de sos bator abbojos chi s’isportellu linguìsticu de Tissi umpare a s’istitutu Bellieni de Tàtari, s’isportellu linguìsticu provintziale de Nùgoro e s’isportellu regionale ant ammaniadu pro sa promotzione e valorizatzione de sa limba sarda.

Su 26 de Austu, in su museu etnogràficu de Tissi, s’est tènnidu su primu addòbiu: A pustis de sos interbentos de prof. Michele Pinna (presidente de s’istitutu Bellieni de Tàtari) e Maria Antonietta Piga (responsàbile de s’ufitziu linguìsticu de Nùgoro), chi ant faeddadu de sa limba in s’impreu amministrativu, leteràriu e de ogni die e de sos traballos fatos dae sos isportellos de sas provìntzias de Tàtari e Nùgoro, Stefano Chessa, operadore de Tissi at cumbidadu sos poetas de sa bidda a nos fàghere intendere sos contos e sas poesias issoro.

Sos àteros addòbios s’ant a tènnere su 2 , su 18 e su 25 de cabudanni, in custas tres die s’ant a presentare su libru de Elena Pes “Sos Pippiolos”, sos traballos de s’isportellu de Tissi e s’ùrtima die amus a bìdere unu film in limba sarda…Seis tutus cumbidados…