|
Salude a totus sos amantiosos de sas tradissiones e a sos chi si bi cherent
acurtziare, crompet oramai chimbe annos s’initziativa de su Sotziu Limbasarda chi dae su
duaměgiatrese at pensau de ammaniare unu cursu de ballu sardu pro minores et
mannos, pro totus sos chi disigiant colare un’ora e mesa inghiriaos a boghe de ballu, a
sonu de launeddas o de organeddu.
Fiat in primos de beranu cando iaus pigau sa chistione e m’arregordo amus nau:” tocat de nde pesare un’atobiu pro totus sos chi disigiant
su ballu nostru”.Gai nde fiat nŕschidu, a bellu a bellu, comente totus sas cosas bene pensadas, unu
aboju in su cale trabballadores de Casteddu e de cabu de susu chi inoghe bivent e
trabballant, istudentes de dogna giassu isulanu, familias cun sos figios, fiant bčnnios
umpare a custu cůmbidu.
Sa pratza fiat bella et collocada in dunu giassu ammajadu dae sa natura e dae s’omine,
s’oradoriu de sa cresia de Sant’Eulalia et pro custu torramus gratzias a Don Mario
Cugusi, predi atentu a sas tradissiones et a sa Limba.Dae como tres annos nos agataes in s’oradoriu de sos salesianos de Don Bosco in
Pranza Giuanne XXIII, duncas su cursu gratzias a bois sighit cun s’intentzione
matessi, cussa de aunire totus sos sardos chi ballant in logu insoro e chi cherent
aprčndere ŕteros ballos e si nde tenent pragere de istrinare imparos a nois ateros cun
sos ballos chi connoschent.
Sos abojos sunt, dae su mese de cabudanne, dogni martis et dogna giobia pro
como dae sas noe a sas deghe et mesa de sera.Si cherides podides benner a provare e so cumbintu chi torrades a domo bostra
cuntentos che Pasca.
Nos podides cuntatare a sos numeros 329-4796147 – 349-7581291, o iscrivinde a
giumolinu@tiscali.it bos saludamos cun dunu dillu e bos ispetamos a coro ispavillu.
BALLOS PRO ATUNGIU ILGERRU E ISTIU
PRO COMENTZARE NO EST MAI TRIGADIU
E ITE GOSU SU BALLU ISOLANU
CANDO AVRESCHET SU PRIMU BERANU
CURRIDE IN PRATZA GIUANNE XXIII
INUE MOVENT ANCAS E PES
SENDE ACOSTAOS CARTZONES E ISCIALLOS
CANDO ABERIMOS TUNDOS SOS BALLOS
DAE CAMPIDANU A LOGUDORO
DE LOS BALLARE JA MI NDE ONORO
LOS CADENTZAMOS UNU PRO UNU
CUN DUNU BALLU SARDU IN COMUNU
MARTIS ET JOBIA A PARTE DE SERA
LOS COMENTZAMOS A LUGHE DE LUMERA
DAE SAS NOE A SAS DEGHE ET MESA
AIS A BIDERE ITE BELLESA
PIGAE TELEFONOS IN DIE DE OE
FAGHIE SU TRES SU DUOS ET SU NOE
BARANTASETE NORANTASESE
CHENTUBARANTASETE, PRONTO CHIE SESE?
SO UNU SARDU CUN POPIDDA MIA
PODIMOS BENNERE A PROVARE EBBIA?
BENIE BENIE CHI EST COMENTZAU
TORRAE A BENNER A PASSU TORRAU
CASTEDDU 11/CABUDANNE/2008 PEPE MOLINU
|