Sinnalamus su libru de Giovanni Battista Fressura, publicadu giai dae un'iscuta dae Edes, cun antepòsitu de Nigola Tanda. Unu romanzu de sa memòria in una bidda de su Gocèanu, Bono, chi torrat a bìvere in s'ammentu de s'iscritore. Arregordàntzias de sa pitzinnia e de sa gioventude chi enint presentadas in unu sardu praghile, planu, cuntemporàneu e sena totu sa chirca anticuària chi a s'ispissu ingraidat sa prosa "limbuda" de sos tempos nostros. Un'òpera galu pagu connota ma chi meresset de intrare in tzìrculu pro si iscaretzire cun àteros autores e àteros iscritos. Su libru est publicadu dae su 2005 dae Fressura chi est de su 1952 e chi at triballadu totu sa bida in banca cultivende una grandu passione pro sa literadura. Una formatzione econòmica e finantziaria chi non l'at istransidu de si impignare in custa faina. <S'autore apartenet a una generatzione de sardu-faeddantes in perìgulu - at iscritu Nigola Tanda in s'antepòsitu mentovadu - e chi at tentu tempus de meledare in tempus subra sa crosidade de sa situatzione sarda chi est cajonada dae a sa renùntzia a s'identidade nostra de natzione>.