Su Sòciu Culturale “Sentidos” e su Sòciu Culturale G. Folk Sorgono paris cun “Oficiu Limba Sarda de su Comunu de Sòrgono ant bandiu po sa manifestatzione de “Corte Apertas - Sa Binnenna 2008”� su primu cuncursu literàriu - SU FRORE SORGONESU. Po torrare a giare importu a sa manera de cantare a poesia chi si teniat in sa bidda de Sòrgono. Su frore o mutu est su modu prus comunu chi sa gente teniat po cantare e po nàrrere is cosas in poesia. A frores si cantaiat po ògnia ocasione chi fesset de allegria o de dolu, e fitianu po giare prus fortza a is pentzamentos chi si depiant nàrrere. Su frore prus comunu est fatu de un’istèrrida de 3 cambos chi benint retrogaos in is amantadòrgios, unu po ògnia cambu. Su frore peròe podet èssere de totus is cambos chi si bolent fines de 12 o prus. Antigamente su frore fiat prus che àteru cantau e improvisau; cun custu cuncursu si bolet giare dignidade literària fines a su frore iscritu.
Su cuncursu tenet fines àteras 2 setziones: una po sa poesia lìbbera chi podet èssere in otadas, soneto o àteru; e s’ùrtima po contos o paristòrias.
Sa giuria at a premiare is primos tres traballos po ògnia setzione, su 19 de santumiale, po Cortes Apertas in Sòrgono.

Innoe su Bandu de Cuncursu 

Saludos a totus.
Is operadores de s'Ofìciu Limba Sarda de Sòrgono
Luciana Meleddu e Antonio Murru