S’Istitutu Comprensivu “Gonariu di Torres” de Sindia, comunigat chi su Cursu de Limba Sarda at comintzare in sa die de martis su 21 de su mese de Santu Aine de su 2008. Sas letziones s’ant a tenner in sas dies de martis e giobia dae sas oras 17.30 a sas oras 19.30 in sas Iscolas Elementares de Sindia. Su Cursu, ammaniadu dae sa Dirigente de s’Istitutu, sa Prof.ssa M. Antonietta Piu, cun su Referente su Prof. Giuanne Papi, cun sos fundos de sa Delibera de sa
Giunta de sa Regione Sarda 47/29 de su 22 de su mese de Sant’Andria de su 2007, at a durare 30 oras e at a tenner comente dozentes sos espertos Vittoriu Pinna, su Dr. Mario Antiogu Sanna (Universitade de Casteddu e galu Responsabile de s’Ufitziu Limba Sarda de Sindia) e sa Dr.ssa Mariangela Cambula. Sas iscritziones sunt galu abertas: pro informatziones si podet telefonare a s’Istitutu Cumprensivu a su numeru 0785- 41018 o dimandare in sas Iscolas in sa Pratza de sa Resistentzia (connotta commente Piatza de sos Mortos in Gherra).