"Zovanos" , est unu progetu fatu dae sa Lìbera Universidade Mediterrànea chi punnat a fàghere connòschere in su terròriu Nugoresu sos giovanos chi ant fatu tesis de làurea o àteros traballos e chertas subra argumentos varios. S'idea est cussa de dare a sos giovanos una possibilidade de s'acrarare in su mundu de su traballu e de s'impresa. 
Custu lunis si faeddat de sa literadura de sos isulanos cun Maria Paola Ballore, autora de una tesi de làurea subra sos iscritores de sa Repùblica Dominicana.
At a intervènnere Antonimaria Pala, iscritore sardu, premiadu ocannu in su cuncursu "Premio Letterario Grazia Deledda", in sa setzione narrativa sarda, cun s'òpera Addia iscrita paris a Paola Alcioni.