|
 Su 20 de cabudanni a sas 19,00 in su teatru “Nonnu Mannu” de Iscanu b’est istada sa premiatzione de su cuncursu de poesia sarda “Antoni Piludu”.
Custu cuncursu, nŕschidu in su 1984 e arribadu ocannu a sa de XVII editziones, at bidu in sos annos sa partetzipatzione de paritzos nůmenes connotos de sos ambientes počticos isolanos (ocannu ant partetzipadu giai chentu poetas bčnnidos dae tota sa Sardigna).
A sa manifestatzione, promossa dae s’Amministratzione comunale e coordinada dae s’Ufětziu de sa Limba Sarda, at acudidu gente meda siat dae Iscanu siat dae sas biddas a inghěriu, in prus de sos poetas partetzipantes.
Fiat presente, in mesu a numerosas autoridades de sas biddas de sa zona, finas su Presidente de s’Unione de sas Comunas Planŕrgia-Montiferru Otzidentale, sig. Alessandro Carta.
Est istada una die de festa manna. S’amore pro sa poesia sarda in Iscanu tenet raighinas longas, e prňpiu pro custu motivu gente meda at collaboradu gratuitamenet a s’organizatzione, comintzende dae sa Consulta e dae sa Giuria (formada dae Iscanesos espertos de poesia e de limba sarda) e sighende cun sos voluntŕrios chi ant preparadu sa chena.
Unu grupu de giňvanos, mňvidos dae s’amore pro sa limba, at realizadu unu filmadu intituladu “Su sardu: limba de ogni die?”, chi ammustrat sa difusione capillare de s’italianu, chi privat sos pitzinnos de sa limba materna. Sa protagonista de custu filmadu, una pitzinna de 4 annos, at retzidu unu prčmiu ispetziale pro s’impignu ch’at postu in s’interpretatzione.
Una setzione de su cuncursu fiat aberta a sos pitzinnos de iscola. Sos partetzipantes sunt istados una trintina, e fiat una bellesa a intčndere sos prus piticos (sos de 1° elementare) leghende in limba sarda sena birgňngia peruna.
Sigomente in una festa paesana non podet mancare sa můsica, ant allegradu sa serada sos cŕntigos de su Cuncordu Iscanesu e de Sas Bator Colunnas (grupu formadu dae giňvanos de pagu prus de 20 annos). Ambos grupos ant propostu cŕntigos subra de sa limba sarda e de sa netzessidade de la torrare a impreare in totue.
Su ŕere torradu a propňnnere custa manifestatzione, chi non si faghiat dae su 2003, aberit s’ŕidu a ŕteras initziativas de promotzione de sa limba finas in sos ŕmbitos de s’iscola e de su mundu de sos giňvanos, chi sunt interessados a custas problemŕticas cantu e prus chi non sos mannos.
PREMIADOS
Setzione I
1. Vasco Giangavino (Bortigali) – Ticcos de consolu
2. Mela Domenico (Castelsardo) – Babbu caru
3. Curreli Gesuino (Oliena) – S’istria
Setzione II
1. Angeli Gigi (Palau) – Solidades
2. Piras Raffaele (Quartucciu) – Steddus fuius
3. Piu Armando (Mamoiada) – Appedicande sos affettos
Prčmiu ispetziale a sa carriera
• Manunta Giovanni (Scano Montiferro) – Su mastru e s’ischente
Mentziones de onore
• Cuccuru Luciano (Sassari) – Lampizos intro ‘e s’anima
• Garrucciu Gianfranco (Tempio Pausania) – Amistai
• Maicu Mimiu (Santulussurgiu) – Albure sena fruttu
• Murtas Nanni (Santulussurgiu) – A una foza
• Piga Franco (Loiri) – Terra
Signalatziones
• Cannoni Caterina (Ittiri) – Ellis Island
• Manca Peppino (Scano Montiferro) – Iscanu Montiferru
• Mudu Ignazio (Assemini) – Fintzas a candu memoria
• Peigottu Pietro (Sassari) – Sero ‘e istiu
• Rosu Francesco (Orosei) – Camminos vetzos
Bide sas poesias premiadas
|