|
Est su de tres annus chi in Casteddu benit apariciau su Festival Tuttestorie de literatura po pipius e piciocheddus. Occannu s'intitoląt "BESTIVAL! Racconti e visioni bestiali", e, cumenti su titulu fait a cumprendi, fiat totu puntau a pitzus de contus e paristorias de animalis. Su festival durat 4 dis e proponit unu muntoni de laboratorius, atobius cun is autoris e amostrus. Est una occasioni bella meda po inghitzai is pipius a su prexeri chi podit donai sa letura de unu libbru, e tocat a nai ca, in custus urtimus annus, de custas initziativas si ndi faint sempri de prus. Chentza contai is laboratorius de letura chi benint fatus in is scolas in orariu extracurriculari. S'Assessorau a s'Istrutzioni de sa regioni, est impenniau meda a incentivai laboratorius po ammilliorai is arresultaus didaticus in sa scola sarda, arresultaus chi donnia scola depit ammostai a s'accabu, fadendi monitoraggius e mandendi is traballus fatus. Deu, in classi mia, unu laboratoriu de lettura ddu pongiu in pei giai de annus, e depu nai ca is arresultaus funt stetius sempri bonus.
Acostai is piciocheddus a sa lettura de unu libbru est cosa traballosa meda, ca issus faint centumila atras cosas prus lebias e spassiosas (assumancu aici parit a issus) de sa letura de unu libbru.
Ma, chi sa manera de ddus accostai a is libbrus est cussa giusta, issus arrespundint beni e is arresultaus podint spantai. Duus annus fait apu portau una cuarta classi a sa Fiera de su Libbru de Macumere. Est stetia una esperientzia bella meda, e gratzias a s�organizzatzioni chi ddoi fiat (si seus arrivolgius a sa cooperativa Esedra), sa dģ nc'est passada che unu spantu prima in sa fiera e apustis in sa tzitadi. Occannu apu portau una classi tertza a su Festival a Casteddu, e, mancai s'apariciu non fessit perfetu, ge est andau totu beni a su propriu. Eus atobiau is iscridoris Roberto Piumini e Mario Ramos: is pipius iant ligiu unu libbrixeddu de issus in s�istadi, e si ddoi funt spassiaus ascurtendi-ddus e pregontendi-ddus de cosas a suba de su libbru e de s�atividadi cosa insoru. A pustis ant pigau parti a sa letura de una paristoria fata de animadoris spertus. Su spassiu mannu perņ est stetiu s�amostru a suba de sa cacca de is animalis(" La cacca. Storia naturale dell'innominabile", amostru chi at pigau s'inghitzu de unu libru de sa biologa inglesa Nicola Davies e chi est giai stetiu fatu in Londra): ndi ddoi fiat de centumila e unu tipu, cun is ispiegatzionis de totu su chi si podit cumprendi studiendi beni sa cosa. Prexixeddu ant tentu! Ca, po is piciocheddus, est unu argumentu spassiosu meda.
Ita ddoi amancąt in custu festival po essi cumpletu e arrapresentativu de totu sa literatura poi is pipius nostrus? Ddoi amancąnt is libbrus e is iscridoris de contus in lingua sarda! E comenti mai?
Ca non nci ndi funt non fait a ddu nai, non ant essi medas, ma unas cantu cosas bellixeddas ge nci funt e iant essi fatu puru figura in cussu festival.
Podit essi puru chi calincuna cosa mi dd�apu perdia, ma seu casi sigura ca de literatura sarda po pipius non nci fiat nudda. Ocasioni mancada? Po curpa de chini? Si scit ca sa Regioni finantziat domus de imprenta po pubbricai libbrus in sardu o chi serbant in cancua manera a ammanniai sa cultura sarda, poita custas domus de imprenta non domandant a is iscridoris in lingua sarda de scriri cosas po pipius? Ca tanti, a cantu narat R.Piumuni e totu, parit ca medas libbrus nascint prus in custa manera che sighendi sceti sa gana de s'iscridori.
Is personas chi si depint interessai de sa cosa ddu fatzant, e po ocannu chi benit non fatzant ammancai custu contributu a un�atobiu de aici importanti po sa cultura de is pipius nostrus.
Dalila Tinti
|