|
|
Diretore: Micheli Ladu - Editore: Sòtziu
Limba Sarda
|
|
CHISTIONES
|
11/11/2008
Su mundu a s'imbesse, chie non connoschet su
sardu nde faeddat
[de Giuanni Mascia] |
Ma chini est custu Pablo Sole chi si permitit de riere suba de annos
de studios de zente chi in totu sa vida sua no at fatu àteru che
triballare bene po sa limba e sa cultura sarda?
Ma ddu connoscit su sardu?
E custu fueddu "kontiphizzadore" e custa bella ortografia de
aundi nde ddus at bogaus?
Seu spantau meda chi unu che a issu potzat iscriere in Sa
Nova,ca dd'apu
sempri crètiu unu giornali cumenti si spetat.
Ma sa cosa prus spantosa est chi ddu apat sempri de prus
zente chi si ndi
scidat e,chentza de sciri de ita est chistionendi,ndi bogat a
fora
fueddus e teorias e ortografias de bellu e nou,cosas chi
mancai ant
bisau a su noti.
Ma in custas dies ddu at sempri calchi "illuminato" chi si
spassiat
a ponni in abolotu su chi est de giai abolotau,comenti cussa
tzia chi
at detzìdiu chi fiat ora de ndi sderrui sa scola primària,cussa
scola chi
fiat una de is mellus de su mundu,aundi chini scriet at
traballau po una
doxena de annus de maistu e duncas dda connoscit beni,cussa
tzia at detzìdiu,
femus narendi,de torrai "al maestro unico" ca duos sunt medas
e no serbint,
serbit feti an ndi leare su dinai de sa scola pùbrica pro ddu
giare a sas
paritarias e a sos amigos de sos amigos (Alitalia docet),ca
sunt poberitos
e no tenint ni pani e ni dinai,mentras sos mastros e sos
professores sunt
arricus e ndi furant su pani a su stadu e triballant pagu e
nudda.
E a pustis,sigumenti binticuatru pipius fiant pagus meda,at
detìdiu chi cun
su "maestro unico" est mellus chi siant assumancu trinta,ca
gasi ddu at
prus tempus po ddus sighiri beni...
E s'universidade?
Una truma de mandronis chi no faint atru chi si chesciai e no
tenint gana de
triballai,ddis andat feti a perdi tempus!
Pro caridade,zente,aundi semus andendi!
Semus torrendi a candu feti sos fizos de sos printzipales
podiant studiai,
ca a sos piduistas serbit chi su populu non tengat
istrutzioni,non tengat
"anticorpi culturali" po si pòdiri defensai de su "bombardamentu
mediaticu"
Comenti naraiat Peppinu Mereu:
Semus in tempus de tirannia,
infamidades e carestia... …
|
|
|