|
|
Diretore: Micheli Ladu - Editore: Sòtziu
Limba Sarda
|
|
CHISTIONES
|
27/11/2008
Cunvegnu in Trento: Deretos, istitutziones, polìticas linguìsticas
|
In sa tzitade de Trento, su 3 de nadale, espertos riunidos pro
pònnere in craru sos ùrtimos agiornamentos in contu de legislazione
e deretos linguìsticos. Su Servìtziu de promozione de sas minorias
linguìsticas locales de sa Provìntzia Autònoma de Trento, ghiadu dae
Marco Viola, at ammaniadu unu cunvegnu de interessu mannu pro totu
sas minorias linguìsticas italianas e europeas. Cun s’agiudu de su
Dipartimentu de Iscèntzias giurìdicas de s’universidade de Trento,
in sa sala cunferèntzias de sa Facultade de Giurisprudèntzia, s’ant
a adobiare istudiosos de paritzos chirros pro resonare de "Diritti,
Istituzioni, Politiche linguistiche".
Si cumintzat a oras de sas noe cun Patrizia Cordin, delegada de su
Retore pro initziativas in matèria de minorias linguìsticas e cun
Carlo Casonato (catedràticu de deretu costituzionale de s’ateneu de
Trento) chi at a faeddare de “I cittadini e le istituzioni di
minoranza linguistica: diritti, doveri, competenze”. Sighint Jens
Woel, cun una relata subra “La prospettiva internazionale e
sopranazionale” e Roberto Toniatti, preside de sa facultade, cun “La
tutela delle minoranze linguistiche nella Provincia autonoma di
Trento: profili istituzionali”.
Sighit cun sa relata “Diritti e doveri linguistici in Catalunya”
Jaume Vernet i Llobet chi faghet parte de su Consell Consultìu de la
Generalitat de Catalunya e Simone Penasa, dottore de ricerca de s’univerdidade
tridentina cun s’interventu “Meccanismi di protezione e
coinvolgimento istituzionali delle minoranze: l’Autorità per le
minoranze”.
A merie dibata subra su tema “Tutela e promozione delle lingue
regionali minoritarie” coordinada dae Vittorio Dell’Aquila de su
Centre d’Etudes Linguistiques pour l’Europe. Introduit Sonia Parare
de su Council of Europe/Conseil de l’Europe (La Carta europea delle
lingue regionali e minoritarie). Pro sas esperièntzias regionales
faeddant: William Cisilino, presidente dell’Istitût ladin furlan “Pre
Checo Placerean” (Piani di politica linguistica per le lingue
minoritarie), Marco Stolfo, Regione Autonoma Friuli - Venezia
Giulia, (Una regione plurilingue nell’Europa plurilingue), Bojan
Brezigar presidente Comitato istituzionale paritetico per la
minoranza slovena in Italia, (La politica linguistica per la lingua
slovena), Giuseppe Corongiu, Regione Autonoma della Sardegna (La
politica linguistica per la lingua sarda), Gianfranco Postal,
Provincia Autonoma di Trento, (La politica linguistica in Trentino).
A sa fine de sos traballos “mesa de arrejonu” subra su tema “Diritti
linguistici e identità regionale”.
|
|
|