|
|
Diretore: Micheli Ladu - Editore: Sòtziu
Limba Sarda
|
|
CHISTIONES
|
27/11/2008
Macumere, adòbiu de non pèrdere pro chie istimat sa limba
|
Chenàbura 28 de santandria printzìpiat in Macumere a oras de sa 9 a
mangianu sa Cunferèntzia regionale de sa limba sarda. De non pèrdere
sas relatas de su catedràticu de s’universidade de Milanu Gabriele
Iannacaro “Piccole e grandi lingue nel mosaico dell’Europa” e
Antonella Sorace (Universidade de Edimburgu) chi at a faeddare de
"Nuove prospettive del cervello bilingue: quattro motivi per
incoraggiare il bilinguismo sardo-italiano nella prima infanzia".
In sa sala riuniones de su padiglione Castagna (via Ariosto 11), ant
a faeddare finas Jeroen Darquennes, de s’Universidade di Namur (L’amènagement
linguistique en Europe - quelques remarques sur la dialectique (empechèe?)
entre thèorie et pratique),
Federico Vicario, de s’universidade de Údine (“Reti europee per la
promozione delle lingue regionali"), mentres Giovanni Frau, finas
isse catedràticu friulanu, at a intervènnere subra su tema de
"L'Azione lingue' del Consorzio Universitario del Friuli in un
contesto europeo".
A merie si colat a sa realidade sarda mera e sìnchera. Alessandro
Mongili, sotziòlogu de s’universidade de Casteddu, at a aprofundire
calicunu argumentu de sa chirca sotziolinguìstica isolana acumprida
dae sos ateneos de tataresu e casteddaju. Enrico Chessa, de s’universidade
autonoma de Bartzellona at a faeddare de “Lingue a contatto ad
Alghero: sostituzione, normalizzazione e sostenibilità
sociolinguistica" . Mauro Maxia, istudiosu tataresu, at a bogare a
craru sas problemàticas chi atenent a “La situazione
sociolinguistica della Sardegna settentrionale”, mentres Vittorio
dall’Aquila at a nàrrere sa sua subra sa situatzione sarda bida dae
unu chi no est sardu. Coòrdinat Gianfranco Pintore.
Sàpadu a mangianu, moende dae oras de sas 9.30, unu cunfrontu de
importu intre calicuna de sas minorias italianas prus de primore.
Cumintzat Fabio Chiocchetti (Val di Fassa) e sighint Ingrid
Runggaldier (Sud Tirol), Bruna Dorbolò (islovenos), Eva Rizzin (Rom
e Sinti), Carlo Zoli (Fondazione Small Codes), Marco Stolfo (Friuli
Venezia Giulia).
A merie si faeddat de Limba sarda comuna e variedades traditzionales
cun Maurizio Virdis, Giulio Paulis, Diego Corraine, Roberto
Bolognesi, Michele Pinna, Giulio Paulis e Maria Antonietta Piga.
Domìniga laboratòrios temàticos cun sos operadores de sa polìtica
linguìstica.
Coòrdinat Giuseppe Corongiu e faeddant Cristiano Becciu, Maria G.
Cossu, Michele Ladu e Cristina Mulas. Si cùngiat facas a oras de sas
14.00. Sende chi at a presentadu sas dimissiones non s’ischit si su
Presidente Soru at a èssere presente. De seguru b’est s’assessora
Mòngiu.
|
|
|