Chi su Sardu siat una Limba,...
sos Sardos Sabios e Sìntzeros no l'ant mai postu in dubbiu ne in pessamentu; su fathu matessi chi mancari tothu sos ch'ant cumandadu in Sardigna, malos e ladros totus, bonos e onestos su matessi ma...pius pagu, epant fathu de su mendzus issoro po la faghere isparire e morrere, e...ISSA inveces est sempere inoghe, cun nois, a narrere e faghere sa partighedha sua,...la narat beramente loga subra de sas bonas raighinas chi Issa at postu intro de sos coros nostros...e...po sa beridade, fintzas in su'e de calchi istrandzu puru.

Chi poi calchi cumpatriota nostru la dispretziet,li neghet s'importu chi at tentu, chi tenet, chi unu crasa at a tennere, mi auro galu pius mannu,...beh... no est totu culpa sua. Ischimos bene chi,inoghe... calicunu "colpadu a terudha" o chi dae minore nde siat ruthu dae sae coas (grembo) de sa mama, ch'est puru, ma... cussu cun duos inghirios lu drommis e lu pones a un'ala.

Ateru contu sunt sos chi,... bastante de narrere ,faghere e dare sa contraria a totus e po totus, sunt dispostos a si negare s'esistentzia matessi issoro; s'evidentzia e sas cumproas de sos dochimentos antigos chi attestant sa "naschida" o su b'essere de sa Limba Sarda Antiga,o Sardo volgare e Sardu de como li cherimos narrere... comente at semper nadu thiu Cicitu Masala de Nughedu...... " sos canes de isterdzu".

No cherdzo essere malignu ma... mi nde so-e cumbinchinde deo puru,l'apo pessadu meda meda e,... cussu pessament at a istentare a mich'essire dae conca chi, sa limba italiota siat una cosa fabbricada "ad arte", po fagher biere, a sos oggios de su mundu unu parrere de unione,de matessi populu,de matessi naschidoldzu... ca, matessi naschidoldzu no est. No l'apo nada DEO sa frasia: " l'italia è fatta,facciamo gli italiani"

Custos istados fasullos finas de limbas,no Natziones,de naschida "ottocentesca",sun bistados fraigados a fortza e cun ispiritu e maneras imperialistas e coloniales . Mai est capitadu chi sas dzenias chi, sos logos issoro abitaiant,si siant postos de acordu cun ateros istrandzos a si aunire a pare ,chena b'essere soprafatzione unu contra s'ateru,ne in maneras ne galu pius pagu in sas limbas.

No est debadas chi in custos lustros e annos,... medas populos,a comintzare dae sos de Catalunya-Galitzia-Eukadi-in sa Iberia,...sos de s'Ulster-de Iscotzia-de Galles in sa Gran Bretagna,sos de Cossiga-de Euskadi de sa parte de Frantza, sos Fiammingos e Vallones de sos Paisos Bascios,sa Sardigna,... cun sistemas e maneras non violentas e democraticas(a parte Euskadi e Ulster) sunt chirchende si faghere reconnoschere cussa Soberania Istatuale,de essere unu Populu, chentza po custu cherrer narrere o faghere a ondzi costu divisiones. Faedhamos solu de custa parte otzidentale de s'Europa, ,... ca... sos de s'ater'ala...sos de oriente,da chi lis dzirat bistant pagu a s'allumare a pare sas candelas.

Tando su pessamentu chi deo fatho est custu.l'apo giai nadu in ateros dzassos e lu ripito como;..... cun s'europa unida,semus andende a cara a sa morte de sos istados chi finas a como amos connotu, no c'at a passare chimbant'annos,...creo de mancu meda; su tempus benidore at a essere de s'europa de sos populos, e no at a essere obbligatoriamente una babele, si sa dzente no lu cheret; comente cussos chi, no bient dae inoghe a cue o, a unu prammu dae su nare issoro si aurant e si pregant; ca,... si a issos no los giughene a truvu e a iscoethadas no sun bonos cun sas cambas issoro a caminare.