Su 14 de martzu, a sas 9 de sero in TCS (Telecostasmeralda) cumintzat sa trasmissione noa de Tore Cubeddu Mannigos de memoria, istòria e istòrias de Sardigna. Est una trasmissione in limba sarda subra s’istòria de sos sardos e de sa Sardigna. Chimbe puntadas monogràficas subra chimbe personàgios chi, onniunu a sa manera sua, ant cambiadu s’istòria sarda. Sa prima puntada at a èssere subra Antonio Gramsci, sa segunda subra Giovanni Lilliu, sa de tres subra Grazia Deledda e sas ùrtimas duas subra Giovanni Maria Angioy e Emilio Lussu.

Su tìtulu de sa trasmissione est pigadu dae su romanzu de Antoni Cossu de Santulussùrgiu Mannigos de memoria, paristòria de una rivoluzione, chi contat s’istòria de una rivoluzione, de sos emigrados sardos chi torrant in Sardigna e secuestrant sa Giunta de sa Regione pro chircare de fàghere cambiare sas cosas. Una atzione forte chi peroe mustrat ca a bortas sos sardos torrant a iscobèrrere una voluntade de autodeterminatzione forte e ca, si cherent, podet iscrìere s’istòria issoro.

Sa est trasmissione realizada cun su finantzamentu de sa Lege 26 de su 1997.

TCS. Ogni chenàbura a sas 9 de sero e in rèplica su mèrcuris a sas 10 e mesu de note.