Chenàpura su 23 de su mese de martzu in Dolianova s'at a presentare su libru de Paola Alcioni e Antoni Maria Pala "Addia". Est unu romanzu istòricu in sardu iscritu paris dae sos duos iscritores in limba. Essidu carchi annu a como, su volùmene at rapresentadu unu momentu de importu particulare pro sa literadura limbuda. In antis proite fiat "istòricu e iscritu bene" e posca proite fiat iscritu cun s'impreu de una variante meridionale e una setentrionale de su sardu. S'adòbiu est a oras de sas 18.00 in Dolianova (CA) in sa biblioteca comunale de Corso Repubblica. Un'àteru libru nou de Paola Alcioni iscritu in italianu "Mordipiedi il tenebroso" s'at a presentare in Casteddu domìniga su 25 de martzu a oras de sas 18.00 in sa libreria zonza de via Paoli. Comente at nadu s'autora etotu <... M'iat a praxi fintzas chi is navigadoris de Sotziulimba sciessint chi nc'est unu libru po piciocheddus chi, contendi in italianu, cumentzat a acostai is ligidoreddus a sa lingua sarda, imperendidda po fai giogus de fueddus in is nominis de sa genti e de is logus>. 



ligòngiu a su cumbidu