Aitor Carrera, professore de otzitanu de s'universidade Lleida, at publicadu sas dies coladas sa prima grammàtica in limba otzitana de sa bariedade aranesa. S'iscopu de s'òpera, imprentada in milli còpias, est cussu de non lassare sos abitantes de sa Badde de Aran (enclave pirenàicu otzitànicu in Catalùnia) chene ghia in su programma de afortigamentu de sa limba issoro. Cun s'aplicatzione de s'Istatutu nou de sa Generalitat, difatis, s'aranesu-otzitanu at a èssere limba ufitziale reconnota dae sas leges regionales e istatales. A bisu de s'autore, faghet dannu meda a una minoria reconnota a manera ufitziale cando operadores e istitutziones si movent "a moda istintiva e intuitiva" proite sa polìtica linguìstica de normalizatzione nde resurtat indebilitada. Sa grammàtica fiat meda isetada dae sos aranesos, sende chiin su 1982 fiant istadas formalizadas sas normas ortogràficas. 

fons: diariu Avui 03.03.2007