|
|
Diretore: -
Coord.Editoriale: Micheli Ladu |
|
CHISTIONES |
|
|
29/05/2008
Po custa limba trumentada
[Giuanni
Mascia] |
E drìnghidi sa mesu canna!Seus semper innia...Ma su campidanesu, ma su logudoresu,ma su brabaxinu,ma sa limba de Gaddura...
Ddu at sèmpiri genti meda chi si creit chi sa limba sarda bera siat
cussa chi si chistionat in bidda issoro.E in medas sighint a crei chi
sa L.S.C. nde ddis potzat bogai su deretu a dda sighiri a chistionai.
No ant ancora cumprèndiu chi sa Limba Sarda Comuna est feti su
limbazu giuridicu chi est nàschidu pro iscriere sos documentos ufitziales de sas aministratziones,a cumentzai de sa Regione.
E a pustis podet èssere puru chi siat unu bonu cumentzu po arribai
una die a faveddare totus sa pròpiu limba,chi iat a èssere un'arrichesa
manna po s'unidadi linguìstica e polìtiga de su pòpulu sardu chi
s'iat a agatai cun d-una cantidade manna de sinònimos de poder imperai.
Deu seu feti unu poeta,imparadori e bortadori ch'imperat sa limba
cada die in su tribàgliu.Infatis mi ganu su pani aparicendi laboratòrius
de limba e de scritura e comunigatzioni poètica in sardu,italianu,spagnolu e a bortas in ingresu puru.Custu tribàgliu ddu fatzu po
chinisisiat chi mi ddu pidat:iscolas de dònnia mannària e po contu miu.
In custus urtimus annus apu connotu genti meda de vàrias partes de
Sardìnnia e a su noranta po centu est istètiu tostau meda a ddis fàiri
cumprendi chi is cosas no sunt cumenti circant de ddis fàiri crei,e no
isco si nci seu arrennèsciu beni.Sa maioria de is personas si chesciant
de su fatu chi in sa LSC ddu apat tropu pagu campidanesu ma a pustis,
candu ddis spricas chi totu si podet mezorare a calincunu ddi torrat su
sànguni a logu,perou nde ddu at àteros chi s'imbentant limbas e
banderas po si cumbàtiri a pari.M'est sutzèdiu puru,unus annus
fait,chi m'apant tzerriau a domu po mi cumbidai a peleai cun issos contras a su
logudoresu intrendi a fàiri parti de is sòtzius issoro.Deu,naturalmenti,
ddis apu arrespustude si fàiri arricoverai.Deu seu casteddaiu e chistionu
su casteddaiu,po fintzas su gergu de "soparma",chi atru no est chi su
gergu de sa malavida,"su gergu de casantza",ma mi praxit puru meda a
faveddare su logudoresu e su nugoresu e mi andat meda puru a ddus
amesturai e a ndi fàiri casi sa Koinè mia,ch'imperu casi semper candu
scriu.E ddu bollu torrai a nai a frimu chi a mimi m'interessat allegare e
scriere su sardu,e duncas seu e ap''èssiri sèmpiri po su chi si podet unire.
|
|
|