|
|
Diretore: -
Coord.Editoriale: Micheli Ladu |
|
CHISTIONES |
|
|
29/05/2008
Movimentu o caddos a brìllia
isorta?
[de Antonella Licheri] |
Como fint paritzas dies chi non visitio su situ bostru, oe tando mi seo cullegada e apo lègidu sas ùrtimas dua
novas, mi dispraghet meda chi Coròngiu lasset ma seo cumbinta chi sa pessona destinada a sighire su traballu suo siat
ateretantu apassionada e preparada. Ambos duos sos artìculos (sos ùrtimos, su de Ladu de su 27 e su de Pepe de su 22)
sunt càrrigos de paràulas fortes e bonos propòsitos.
Seo de acordu cu Pepe chi at iscritu chi: SERBIT GENTE TRABALLADORA E ONESTA, e SERBIT GENTE CHI ISTùDIET , CHI SI
INFORMET, ma prus a prestu CHI TèNGIAT UNA MENTALIDADE A 360°, CHI NO
APAT PREGIUDìTZIOS E SIAT DE A BERU "COSMOPOLITA" e sighende cun sas paràulas de Micheli: bi cheret una generatzione
chi si depet ismentigare de sos localismos, caru Micheli sa "accozaglia di dialetti" b'est e tocat a non
l'ismentigare de su totu, su chi devimus fàghere cumprendere a sa gente
est chi custa "accozaglia" faghet LIMBA SARDA.
Pepe iscriet chi sa veridade est chi no amus fatu galu nudda, no est beru, carchi cosa s'est fata.... namus chi b'at galu meda de
fàghere. Una de sas cosas de importu mannu est de nos aunire in unu movimentu linguìsticu comente cussigiades
bois, imbetzes de èssere comente caddos a brìllias isortas unu a un'ala e unu a s'àtera, cadaunu faghende unu pagu a conca
sua. Mancat unu coordinamentu. Bos mando finas una petizione pro s'istòria sarda in sas iscolas, si la cherides
publicare bos torro gràtzias, penso chi finas custu potzat èssere unu
agiudu piticu piticu pro sa limba.
Sas iscolas e sas famìllias non sunt impreadas comente diat dèvere èssere e
non cumprendimus chi pro afortiare sa limba de custas duas istitutziones non si nde podet fàghere a mancu Saludos dae
Antonella, Duarche
Sugetu: Petitzione Istòria Sarda in sas iscolas nostras.
A: A su guvernu sardu
Nos ant imparadu belle
totu de
sos fenitzos in Sardigna,
sos pùnicos in Sardigna,
sos romanos in Sardigna,
sos gregos in Sardigna,
sos vàndalos in Sardigna,
sos pisanos in Sardigna,
sos genovesos in Sardigna,
sos cadalanos in Sardigna,
sos ispannolos in Sardigna,
sos Savoias in Sardigna,
sos italianos in Sardigna.
Semus ancora isetende chi nos imparent s'istòria de sos sardos in Sardigna.
Amus a isetare ancora tempus meda si ponimus afigu in su bonu coro de s'Istadu e in sa virtude autonomista de sa
Regione. Pro custu, cun custa firmas cherimus:
- s'istòria de sa Sardigna siat matèria de òbligu in totu sas iscolas sardas;
- su guvernu de sos benes culturales sardos torret a sa Sardigna;
- sa subrintendèntzia archeològica cuncordet cun su guvernu sardu sos iscavos de fàghere, punnende a connòschere
totu su chi si podet de sa tziviltade sarda dae s'antigòriu prus inedda a sos tempos prus reghentes.
Firma sa petitzione inoghe/firma la petizione qui
|
|
|