In Iscòtzia binchent sos natzionalistas e s'aberint isperas noas pro sarvare su gaelicu. In sas eletziones tancadas su 3 de maju coladu su SNP, su partidu autonomista de sos iscotzesos at bintu pro sa primu bia in s'istòria sua. At balangiadu 47 sègios contras sos 46 de su Labour Party de Tony Blair e prus de àteras formatziones comente sos liberales, sos cunservatores o sos Birdes. Sunt istados eletos finas duos ativistas mannos de sa limba de minoria Mike Russell and Alasdair Allan. Pro custu, mancari bi siant problemas pro fàghere frutare de a beru custa bìnchida, s'Europa abaidat cun otimismu a sa situatzione noa iscotzesa chi podet èssere profetosa pro s'istadu de su gaelicu.