Pro sa prima bia publicadu in limba sarda su "Statuto dei lavoratori" in versione integrale, incluidos sos disponimentos generales e sas normas subra su collocamentu. Su testu est acumpangiadu dae sos annotos de su curatore.

Su Tzentru de Istùdios e de Relatziones Industriales, ghiadu dae sa prof.ssa Piera Loi, in s’àmbitu de sas finalidades istitutzionales suas, promovet initziativas finalizadas a sa difusione a sa pràtica de sa limba sarda in àmbitu acadèmicu, amaniende letziones, seminàrios, addòvios, impreende totus sa variedades de sa limba sarda.

Gianni Loy, professore ordinàriu de Deretu de su traballu, dae annos est impinnadu pro favorire sa pràtica de sa limba sarda, in totus sa variedades suas, in s’àmbitu de sas disciplinas giurìdicas de s’Universidade, promovet s’elaboratzione de sas tesi de làurea in sardu e s’imprèu de sa limba in sos esàmenes de profitu.

Banne Sio, funtzionariu de Confagricoltura, est su primu de sos laureados in Deretu de su traballu cun una tesi in limba sarda, autore de su sàgiu giurìdicu “Sos cuntratos de pastorìu” publicadu dae Papiros in su 2002. At cuidadu sa tradutzione de s’Istatutu.