A dae chi in Friuli una lege regionale pro s'imparu de sa limba de minoria in iscola l'aiant ismenguada in sa Giunta Regionale in Trieste, su presidente Ricardu Illy, printzipale de sa produtzione de su café prestadu a sa polìtica, at fatu ischire chi at cambiadu idea e chi cheret torrare a sestare su testu pro cuntentare mègius sos friulanos. S'aberit duncas un'istasione noa pro sa limba de identidade istòrica de s'antigu vescovadu de Acuilèia chi tenet sa cuncreta possibilidade como de intrare in sas iscolas a primore. In Friuli b'at una majoria forte in favore de su friulanu ma, comente in Sardigna, una bona parte de sa classe dirigente est ligada a ideas e cuntzetos retrògrados e reatzionàrios de s'istadu risorgimentale. Proa nde siat sa contrariedade a sa lege a un'ala de sa "Cgil Scuola" e a s'àtera ala de "Alleanza Nazionale". Unu betze cunsonu de a beru. 


fonte lenghe.net