S’Istitutu de Istùdios e Chircas “Camillo Bellieni” at formadu su comitadu iscientìficu nou. S'istitutu trabàllat in Tàtari in su setore de sa chirca linguìstica, literaria, geogràfica, antropològica, istòrica e istòricu-artìstica de sa Sardigna. Coordinat in sa provìntzia de Tàtari paritzos isportellos linguìsticos reventados in sos comunes de custa provìntzia in cunfromma a sa lege n. 482/99 (Normas in matèria de tutela de sas minorias linguìsticas istòricas). Frunit consulèntzia e faghet cun cunventziones de diritu privadu chircas e progetos pro sos comunes e pro sas iscolas finantziados cun sa lege n. 26/97 (Promotzione e valorizatzione de sa cultura e de sa limba de sa Sardigna) faghet atividade de consulèntzia editoriale pro sas publicatziones de òberas literàrias e sagìsticas. In custos annos at ammanigiadu cunbènios, seminàrios e publicatziones chi ant pertocadu sa promotzione e sa valorizatzione de sa limba e de sa cultura sarda in sas iscolas e in sas istitutziones pùblicas.



Comitadu técnicu iscientìficu:

Prof. Massimo Pittau professore emèritu de Linguìstica Sarda in s’Universidade de Tàtari.

Prof. Ignazio Delogu professore emèritu de Limba e Literadura Ispagnola e Catalana in s’Universidade de Tàtari.

Prof. Giulio Paulis professore ordinàriu de Glotologia in s’Universidade de Casteddu.

Prof.ssa Marina Sechi prof. ordinàriu de Geografia de sa Sardigna in s’Universidade de Tàtari.

Prof. Angelo Castellaccio prof. ordinàriu de Istòria Medievale de sa Sardigna in s’Universidade de Tàtari.

Prof. Ignazio Puzzu prof. associadu de Linguìstica Generale in s’Universidade de Casteddu.

Prof. AldoMaria Morace prof. ordinàriu de Literadura Italiana in s’Universidade de Tàtari.

Prof. Mauro Maxia prof. a cuntratu de Limba Sarda in s’Universidade de Tàtari.

Prof. Sergio Moravia prof. ordinariu de Istòria de sa Filosofia in s’Universidade di Firenze.

Prof. Michele Pinna prof. a cuntratu de Literadura Sarda in s’Universidade de Tàtari.

Dott. Giuseppe Corongiu Funtzionàriu pùbblicu, istudiosu de limbàgios amministrativos. 

Istitutu de Istùdios e chircas “C. Bellini” carrela Maddalena 35 Tàtari, Tel.079/230268 
Oràrios: dae su Lunis a sa Chenàbura: manzanu 10:00-13:00 / merie 16:30-19:30.