L'at agabada torra in presone Gwenno Teifi, de binti annos, ativista noitolu de su movimentu radicale de pressione linguìstica "Cymdeithas yr Iaith Gymraeg" chi aiant giai impresonadu ocannu pro chi at pigadu parte a atziones de protesta. In su mese de freàrgiu aiat iscritu a tinta in una butega, in ue si refudaiant de faeddare in gallesu, sa fràsia "DEDDF IAITH NEWYDD", chi in sardu si diat pòdere nàrrere "Cherimus una lege linguìstica noa". A pusti de carchi die in camera reclusiva, su giuge l'aiat cundennadu a pagare un'ammenda de unos 180 èuros chi però s'est refudadu de chitire. Pro custu nche l'ant torradu a ghetare in intro. 


fonte: Eurolang