Est in programma pro oe a ora de sas 18.00 s'atòbiu de su presidente de sa Giunta Regionale cun su sutasecretàriu de sa presidèntzia de su Cunsìgiu regionale Enrico Letta. A parte sa chistione de su dèpidu istòricu de s'Itàlia chi est de belle 5 miliardos de èuros, sa novidade est ca a su Guvernu Italianu no agradat sa paràula "sovranità" chi est presente in su testu de sa lege chi istituit sa Cunsulta regionale pro torrare a iscrìere s'Istatutu chi regulat sas relatas cun s'Istadu. B'est su riscu pretzisu chi sa lege siat impugnada. A s'istadu italianu, chie si siat chi guvernet, sa simple idea chi sa Sardigna potzat èssere soberana faghet atzutzudare sos pilos.