A la cherimus nàrrere ladina ladina? Custu festival de Gavoi est unu campu de marte in ue si gherrant armadas istranzas: nois, fatos a  sardos, ponimus su terrinu, su casu, su binu e su pane pro gustare sos istranzos chi, gasi tatados, podent imparare a sos bàrbaros comente  iscrient sos chi, beninde dae su mare, nd'ischint. Niffoi at fatu sa cosa zusta in unu cuntestu isballiadu. De sas duas  unas: o sos istranzos aiant leadu s'arresonu de Niffoi comente una manifestatzione galanedda de folclore, gasi e totu comente chi in cambia  de un'iscritore b'esserent ballerinas papuasas o, pro issos est sa matessi cosa, unu cuncordu o unu ballu tundu; o sos istranzos e sos  cateddos suta mesa issoro aiant protestadu. Ant petzi seberadu custa manera de reazire. Sas cosa prus leza est chi a cussentire e, antzis, a cuncordare custu  addoviu de colonialistas e compradores in terra nostra, siat una comuna che a sa de Gavoi chi in contu de cultura sarda at meda ite nàrrere. 
Non bastat sa sienda culturale italiana a colonizare, bi ponimus dinare nostru puru.


Zuanne Frantziscu Pintore