Sa Comunidade Montana de sa Badde Stura (Piemonte) inaugurat pro sapadu 8 trèulas sa mustra noa de s'Ecomuseo de su Pastoriu chi at a abbarrare aberta pro totu s'istiu. S'apuntamentu est pro sas 17.30 in sa sea de s'Ecomuseo in Pontebernardo in Badde Stura. Su tìtulu de sa espositzione est "Davalarem-Pastori transumanti nelle Cèvennes". Est sa sèmida chi sighiant sos pastores de limba ocitana de sa Languedoc frantzesa pro lòmpere a sos territòrios de tramuda. Si bi podent agatare unas sessanta fotografias de Jean Mascaux cummentadas dae s'antropologo Guillaume Lebaudy. Sapadu 8, a sas 21, in sa crèsia parrochiale b'at a èssere finas unu cuntzertu de mùsica ocitana. Pro informatziones telefono 0171 955555 o all'e-mail smartini@vallestura.cn.it. 


fonte: espaci occitani