In s'ùrtimu nùmeru de sa revista "Làcanas" in èdicula, direta dae Pàulu Pillonca, s'editoriale de aberridura giaet minescimentu a Renato Soru, presidente de sa Regione, de àere isblocadu sa chistione de sa limba sarda cun sa detzisione subra sa Limba Sarda Comuna. "Riconosciamo dunque lealmente a Soru il coraggio di decidere - si leghet - vincendo le remore dei temporeggiatori, che di lingua parlano senza però parlare la lingua. Il presidente l'aveva fiutata questa insidia sottile, ma aveva atteso pazientemente. Fin troppo. Poi si è stufato e li ha mandati a quel paese>. In su matessi nùmeru de sa revista mensile, in un'intervista a incuru de Roberto Mura, finas Piero Marras, cantautore bilingue, si ischierat a favore: <Sono dell'idea di costruire un sardo comune senza campanilismi. Mi va bene l'unificazione, basta che si faccia qualcosa e subito. Poi si aggiusterà in corsa. Facciamo entrare questa lingua nelle scuole>. A pag. 40 de sa matessi revista, artìculu interessante de Pepe Coròngiu subra s'esperièntzia de impreu de una limba ufitziale giurìdica in sa tradutzione de s'ordinamentu penitentziàriu inue si sutalineat sa netzessidade de unu tzentru regionale de coordinamentu chi si dedichet a iscrìere atos pùblicos.