Su presidente de sa "Mesa pola Nornalizaciòn Linguìstica" galitziana, Carlos Callòn, e su visupresidente Adolfo Muinod, ant annuntziadu pagu tempus a como ca est ora de traballare prus e mèngius pro sa limba gallega. Sa punna est cussa de presentare una Lege de Initziativa Populare pro sa "Galitzianizatzione de su Insignamentu". Sos duos dirigentes ant fatu crìticas medas a su Planu Generale de Normalizatzione Linguistica aprontadu dae su Guvernu Regionale (de su cale faghent parte finas sos natzionalistas) chi est istadu dissinidu "rachìticu e isfasadu". "A mesa" est unu istitutu privadu, indipendente e apartìticu naschidu in su 1986 cun s'unione de paritzos assòtzios chi si impitaiant de limba galitziana. In su 1987, a una manifestatzione pro sa limba galitziana, fiat resessidu a aunire 25.000 persones. Dae tando est impignadu chene àchiu pro custa batalla. De reghente su Consillu d'Europa at reconnotu deretos a su galitzianu comente limba regionale co-ufitziale. 



fonte: A mesa pola normalizacion linguistica