S'atòbiu de su presidente de sa Regione Renato Soru de eris cun sos rapresentantes de su guvernu italianu at batidu su primu resurtadu. Sos ministros Lantzilotta e su sutasecretàriu Letta si sunt impegnados a pagare unu acontu de su dèpidu istòricu de 5 miliardos de èuros chi s'Itàlia at cun sa Sardigna. In sa finantziària ant a pònnere a su mancu su tantu de dinare chi at a ammadurare ocannu. Su chi abbarrat, ant promìtidu sos ministros, at a èssere pagadu a ratas.