Su sìndigu de Cabras Efìsiu Trincas at faeddadu eris in sardu in "Striscia la Notizia", una de sas trasmissiones televisivas de Canale 5 prus sighidas de totu s'Itàlia. A s'imbiadu sardu Cristian Cocco, chi si fiat interessende de s'aberridura de su mercadu ìticu de sa bidda de su Sinis, su primu tzitadinu at respostu totu in sardu cun s'agiudu de sutatìtulos. Sende chi su giornalista dd'at nadu proite aiat detzisu de impreare su sardu, Trincas at decraradu ca su sardu fiat una minoria linguìstica e duncas ca in cussa viantesa fiat pretzisu a ddu manifestare. Trincas at ispetzificadu ca fiat faeddende in crabarissu, su dialetu de nàschida e de sa bidda chi amministrat. A sa fine, finas Cristian Cocco at cungiadu su servìtziu in sardu de fronte a miliones de teleispetadores.