Giòbia 22 de làmpadas chi benit a sas oras 19.00 in Casteddu, in sa libreria Zonza (bia de Paoli 19) Gonario Sedda e Paolo Lusci presentant su libru de Pàulu Pillonca "Antonandria". At a èssere presente finas s'autore. Su romanzu contat sas peleas de su protagonista custrintu a bandidare pro more de unu imputu de sa Giustìtzia mancari esseret innotzente. Est una proa literària de balore seguru chi torrat meritu a su traballu de Pillonca comente artista.