Est in programma pro chenàbura 23 de làmpadas chi benit in sa sala de sa biblioteca de su Ex Ma de Casteddu (bia Santu Lutzìferu 71) sa prima presentada ufitziale de su libru de Pepe Coròngiu "Guvernare cun sa limba. Fainas, ideas, analizos e propostas pro sa polìtica limbìstica" publicadu dae s'editore Condaghes. Relatores ant a èssere Umberto Cocco, capu de s'ufìtziu imprenta e comunicatzione de sa Regione Sardigna, e Anna Cristina Serra, poetissa. Su cumentzu de sa manifestatzione est prevididu a sas 18.00. Ant a èssere presentes finas s'autore e s'editore. Sa sala est dotada de àghera cunditzionada. Ateras presentadas in programma pro su 25 a merie in Ollolai, su 28 in S'Alighera e su 8 de su mese de treulas in Làconi.