Calencuna die a como ant ant fatu in Boschi di Lari, a prope de Livorno, sa primu gara de murra sarda intre emigrados. B'ant partetzipadu chimbantatres giòvanos residentes intre Pisa, Livorno e Bologna. Sa proposta de fàghere custu torneo est partida dae unos cantos militares in servìtziu in sa Brigada Paracadutistas de sa Fòlgore. Su tzìrculu sardu de Livorno "Quattro Mori" s'est impreadu in s'aparitzu organizativu. At bintu, a sa fine, sos lacunesos Bastiano Cabula e Paolo Coròngiu, de Làconi chi traballant in Bologna. Segundos Melchiorre Soru e Giovanni Canu de Torpè e Bitzi ma chi traballant in Livorno. In su comitadu organizatore bi fiant Fausto Manca, Massimo Zaru, Giorgio Canu (presidente del Quattro mori), Giuseppe Vacca, Roberto Usai e Paolo Nurra.