La Sardegna adoteia n standard scrit ofizial

Con delibera de auril 2006 él gnù metù la fondamenta per na politica linguistica per duta la Region

An pò demé ti cialé encueicondì con envidia a la Region Sardegna. Enlò à sen l standard scrit na posizion ofiziala. L'aministrazion regionala dla Sardegna à tout su ofizialmenter ai 18 de auril 2006, en basa a la lege 482/99, n standard scrit sard (Sa limba sarda comuna). Al se trata desche l "ladin standard" de na varieté scrita saurida da entene per duc che vegnirà adoreda da la Region desche forma scrita ofiziala. 

L president dla Region Sardegna, Renato Soru.

Vigni zitadin à ence l dert de ti scrive a la aministrazion te sia varieté locala. La jonta regionala à trat les conclujions per cie che reverda la forma scrita unitara en basa ai laours de na comiscion enciarieda en l'ann passé de fissé les normes de referiment scrites da adoré desche lingaz ofizial dla aministrazion regionala. 
''Les normes linguististiches de referiment arà te n prum moment carater sperimental. Ales consentiarà de pié via con n prozes gradual per elaboré na "Limba Sarda Comuna" (n standard scrit dl lingaz sard) con les carateristiches de na varieté linguistica naturala che fej da pont de referiment anter i idioms sards y che é tl medem temp daverta a integrazions per valorisé miec la distintivité dl sard desche lingaz. Ala à n carater souralocal y raprejenteia n codesc linguistich scempl. La Limba Sarda Comuna vuel ester n "lingaz bandiera" y n strument per potenzié nosta identité coletiva, tl respet dla richeza dles varietés idiomatiches", enscì stal scrit tla motivazion dla delibera regionala de adozion.