Sa Limba Sarda Comuna est unu istandard e, cumente totus sos istandard, no agradat a gente meda. Custu non ca no est bona sa proposta issa matessi ma ca est implìcitu, essende istandard, chi depet “burrare” unu pagu de totus is variantes (e duncas nessuna proposta, essende istandard, diat a pòdere agradare). Sas crìticas prus mannas sunt bènnidas torra dae sos campidanesos narande chi finas custa borta custa variante est deburrada de su totu favoressende su logudoresu-nugoresu.
Ma est propriu bera custa cosa?
In istudios fatos finas dae àtera zente chi est contra sa LSC paret essire intames un’àteru cuadru,
si si càlculant sas cosas burradas a cada variante de sa Limba sarda nde essit a campu custu:

Su barbaricinu meridionale perdet 6 particularidades ortogràficas.
Su barbaricinu settentrionale 2
S’arboresu occidentale 1
S’arboresu settentrionale 2
S’arboresu meridionale 1
S’arboresu in generale 4
S’ogiastrinu 5
S’ogiastrinu meridionale 4
Su logudoresu centrale 5
Su logudoresu occidentale 5
Su logudoresu generale 5
Su nugoresu 11
Campidanesu centr-occ 1
Su campidanesu generale 15

Custu est in generale, ca si andamus a biere bidda pro bidda sas burradas diant a èssere finas de prus.

Si sos nùmeros no sunt un’opinione paret essire dae custu cuadru chi belle totus sas variantes ant pèrdiu carchi cosa (chie prus chie mancu) ca est sa lege de s’istandard ma paret chi su nugoresu e finas su logudoresu apant tzèdiu bastantes cosas de sas particularidades issoro!
Su chi non si cheret cumprèndere est chi sa lege de s’istandard balet sèmpere, finas cando si nde presentant duos e presentare duos istandard no est una solutzione ma unu ispostare su problema e lu duplicare: no esistit istandard logudoresu chi non burrat variantes o campidanesu chi non lu faghet e acuntent a totus e si diat a arribbare a istandardizare 387 variantes ( ma pesso chi in intro de sas biddas bi diant a èssere peleas intre bichinados)

Custu est su chi naravat su biadu de Heinrich Schmid mortu in su 1999, relatore de su Ladin Dolomitan, sa limba istandard de sos ladinos : 
“La suddivisione del ladino dolomitico in cinque (se non sei, sette o otto) idiomi scritti presenta svantaggi notevoli. Una piccola comunità linguistica composta di appena trentamila abitanti deve chiamare a raccolta tutte le proprie forze se vuole essere in grado di sostenere la pressione concorrenziale di due lingue scritte del rango dell’italiano e del tedesco. La frammentazione sul piano scritto produce però il contrario, cioè uno sperpero di energie, poiché contrapponendosi alla tanto urgente e necessaria unità, porta alla separazione piuttosto che alla coerenza, riducendo una lingua già di per sé piccola in una serie di idiomi in miniatura. Se la molteplicità dei dialetti parlati rappresenta una ricchezza, che secondo me val la pena conservare (anche contro l’impiego scritto degli idiomi regionali in ambito locale non vi è nulla da obiettare), la mancanza di una lingua scritta comune per l’intera area è una carenza, riconosciuta già da lungo tempo…..
…..La situazione doveva apparire particolarmente svantaggiata se ci si pose come obiettivo di migliorare le condizioni del ladino, di dischiudergli nuovi ambiti di applicazione e, appunto in questa prospettiva, di conferirgli il ruolo di lingua ufficiale. In effetti non era ipotizzabile che nelle relazioni ufficiali le istanze competenti fossero disposte ad utilizzare più di UNA variante del ladino accanto ad UNA forma dell’italiano e ad UNA del tedesco.”

Sa Sardigna non tenet bisòngiu de custas peleas de duos istandard ca sinono sos istràngios nos ant a bogare un’àteru ditzu, non prus pocos,locos y mal unidos ma pocos, estudiados y siempre mal unidos

Micheli Ladu