Su ministru pro sos Afares Regionales, Linda Lanzillotta, at atobiadu oe su presidente de sa Regione Sardigna, Renato Soru. Intre de sos temas arrejonados s'acumprimentu de sas normas de atuatzione de s'artìculu 14 de s'Istatutu regionale a subra de sos benes demaniales e su cumentzu nou de sos traballos de sa cummissione paritètica. A intro de su mese de làmpadas est in progetu s'aviu de una mesa de cunfrontu in matèria de intradas cun sa Presidèntzia de su Consìgiu e su ministeru de s'Economia. S'est lòmpidu s'acordu, in prus, a subra de s'oportunidade de printzipiare initziativas impunnadas a reduire su pretu costitutzionale intre Regione e Istadu. "Est istadu un'atòbiu utile - at nadu su ministru - chi at permissu de torrare a animare una relata de collaboratzione fainera. Testimonia - at sighidu- de unu cambiamentu de clima chi nos faghet isperare bene pro unu traballu comunu profetosu"