Literadura in sardu ausente dae sos festival literàrios. Dae su programma de sos festival de literadura sarda organizados in Sardigna gratzias a su contributu de sa Regione puru non si resesset a agatare mai un'òpera iscrita in limba sarda o un'atòbiu cun autores chi impreant sa limba regionale. Custu pecu istrubbat in manifestatziones chi, a manera giusta, serbint a si che cunfrontare cun s'Europa e su mundu intreu. Ma sa cumparàntzia diat èssere mengius a la fàghere cun su totu de sa produtzione regionale literària e non petzi cun sa parte chi at isseberadu de iscriere in italianu. Casu a parte, su festival de Sèneghe "Cabudanne de sos poeta" chi s'annu coladu at isdoganadu nessi sos cantadores e carchi àteru poeta.