Sa presentada de su libru "Guvernare cun sa limba" e una dibata subra sas limbas de minoria europeas inaugurat s'editzione 2006 de su Festivalguer. Mercuris 28 de làmpadas, a sas 19.00, in su Forte de sa Maddaleneta in S'Alighera, Pepe Coròngiu (autore de su libru e rapresentante de sos sardos in su Comitau Ministeriale de sas Minorias Italianas), Marco Tedde (sìndigu e S'Alighera), Carlo Sechi (Omnium cultural saligheresa), Domenico Vassallo (espertu de sa minoria ocitana) ant a faeddare, movende dae s'opera, de minoràntzias, limbàgiu ufitziale-amministrativu e Europa. B'at a èssere Carles Duarte Montserrat puru, poeta e linguista catalanu famadu chi at iscritu sa prefatzione a "Guvernare".