Martis chi benit, 27 de làmpadas, a sas 11 de mangianu in s'aula pro sas cunferèntzias de s'Imprenta de su Cussìgiu Regionale unos cantos sòtzios, cun s'agiudu de sa Mesa Sarda Pro Sa Paghe, ant a presentare una collida de firmas imbiadas a su Presidente de sa Regione Renato Soru. Paris cun sas firmas sos sòtzios ant a presentare unu paperi inue si pedit sa sentziada de totu sas esercitatziones militares in su Sartu de Chirra in s'isetu chi si boghet a craru sa beridade in argumentu de maladias e demos a sa populatzione. Ant a èssere presentes rapresentantes de su Comitato Popolare di Difesa Ambientale Sarrabus-Gerrei, Comitato Tutela ambiente Escalaplano, Collettivo Barbagia Reverde, Gavoi, COCIS La Maddalena, Comitato Tonarese Contro Le Basi Militari, Teulada Libera e Gettiamo Le basi.