Su Guvernu Regionale est ponende apentu a sa chistione de sa limba. In su testu de sa Finantziària chi est discutende su Consìgiu Regionale b'at un'emendamentu propostu dae s'assessora Mòngiu chi, si esseret aproadu, diat vinculare una parte de su dinare istantziadu dae sa lege 26 pro sa formatzione de sos insegnantes in limba sarda. Chie podet e connoschet consigeris regionales los cumbincat a sustènnere custa misura. Sa Giunta at aproadu finas una delìbera chi istàntziat 29 miliones de euros contras a sa dispersione iscolàstica. Intre sos provedimentos b'at sa possibilidade de fàghere laboratòrios de limba sarda extra-curricolares a merie. Diat èssere una possibilidade de traballare pro totu sos opeadores de su movimentu linguìsticu. Su chi tocat a fàghere est a si propònnere cun curriculum e modulu didàticu prontu a sos sìngulos dirigentes iscolasticos de sa zona. 

Inoghe agatades sa delìbera regionale n°47/29 de su 22.11.2007 e cantu at leadu ogni iscola. 


http://www.regione.sardegna.it/j/v/66?v=9&c=27&c1=&n=10&s=1&p=18