|
Arresonende e chistionende cun sos istudentes ma puru cun sos mastros e professores de medas iscolas de sa Sardigna in ue a s’ispissu ando pro faghere cursos de limba sarda, sa pregonta chi prus che totu mi ponent est custa: cale limba? Su Sardu –mi narant- est partzidu in medas variantes e duncas est difětzile a l’impreare in s’Iscola e in s’ufitzialidade.
Chi su Sardu siat partzidu in medas variantes –ma sas printzipales sunt duas: campidanese e logudorese- est beru e frassu in su matessi tempus, proite sa Limba sarda in sa sustŕntzia est una ebia, ca su chi cŕmbiat no est sa sustŕntzia chi format una limba: sa sintassi, sa gramŕtica, ecc. ma prus che totu sa fončtica, sos sonos de sas parŕulas o sas desinentzias: andare » (log.) ; andai (camp.) ; morrere » (log.), morri (camp) ecc.
Tzertu bi sunt puru diversidades intre sas parŕulas, dae unu logu a s’ateru, ma custu est una richesa no una debilesa. Ma si allogamus custa chistione, chie nos proibit oe de unificare o, comente narant sos istudiosos, de ”istandardizare” sa Limba sarda, pro tennere, comente pňpulu e comente Nazione, una bandela linguistica unitaria?In custa diretzione andat sa proposta fatta –a pustis annos e annos de batallas- dae sa Commissione nominada dae Soru e giamada “Limba sarda comuna”. Tocat de comintzare a l’impreare semper, comente limba ufitziale paris cun s’Italianu: in s’Iscola, in sa toponomastica, in sa publicidade, in totu sos medios modernos de sa comunicazione (giornales, Rai-TV, Internet).
Frantziscu Casula (istňricu)
|