In su giassu-portale de sa Regione Sarda www.sardegnacultura.it est in lìnia a disponimentu de totus una setzione noa de informatzione subra sa legislatzione de sas limbas de minoria. Si movet dae sos istrumentos normativos internatzionales de s'Onu e de s'Unesco, finas a su bonu de sos documentos chi at imprentadu s'Unione Europea in custos ùrtimos annos. B'at totu sa legislatzione italiana, finas cussa chi pertocat a sas àteras minorias presentes in su territòriu de sa Repùblica. Est in fase de agiornamentu sa legislatzione de sos àteros istados de s'Unione Europea. Custadu traballu podet èssere de agiudu pro chie faghet cursos de formatzione in Sardigna subra una màteria inue b'at improvisatzione manna e inue paret chi sos espertos nascant a su note comente s'antunna-cardolitu...finas gente chi tenet dificurtade a faeddare a manera curreta sardu e italianu. 


http://www.sardegnacultura.it/linguasarda/leggi/