Dae sa prima die de ghennàrgiu, su gaelicu irlandesu est devènnidu limba ufitziale de s'Unione Europea. Pustis de annos de batalla, sos guvernantes irlandesos sunt resèssidos a otènnere su chi cheriant. Mancari sa limba autòctona de s'ìsula siat faeddada dae paga gente, sa classe dirigente at sèmpere chircadu de muntènnere arta e firma s'idea de una limba de identidade istòrica. Su casu de s'Irlanda est pare pare a s'imbesse in cunforma a cussu sardu inue sa gente est in majoria a favore de sa limba sarda, ma sa classe dirigente (polìtica, crèsia, universidade, mèdia, iscola, economia) est tèbida o pagu aficosa pro sa polìtica linguìstica. 


fonte: eurolang