S'Accademia po sa die sarda prangit sa morti de su Maistu, de vida e de cultura, Cicitu Masala.
De su Maistu arragodaus s'umanidadi, s'ironia, s'intèna, su naturali, ki de su 1991 in su segundu atòbiu de su sindacau sardu, finzas a su 1998, s'at accumpangiau me is nostas initziativas.
Deu personalmenti appu tentu s'onori de traballai cun issu a pitzus de su nomi de Antoni Gramsci me' is primas tres editzionis de su premiu omònimu e in dus atòbius a pitzu de sa limba sarda, e atrus in Castedhu e me in Abas, ki s'ant arrikìu asutta de dhonnia manera de biri, fintzas e a s'autoritzazioni a podi pubblicai Sa cantone de sos bestidos de biancu, apustis de unu scambiu de litteras . 
In custu momentu tristu, avverteus e eus a avvertiri de immoi innantis, s'assentzia materiali de Cicitu, ma a issu naraus: Ses in sa Storia de Sardigna, in cussa parti prus pulida: sa storia de sa cultura sarda e de totus sos bestidos de biancu.
Ales, 24/01/2007 
Su presidenti
Massimu Pistis