| SU GIASSU |
|
Diretore: Micheli Ladu - Editore: Sòtziu
Limba Sarda
|
|
CHISTIONES
|
26/02/2009 Cursu de Deretu de su Traballu in Scièntzias Polìticas de Casteddu |
 Su Cursu de deretu de su traballu de sa Facultadi de Scièntzias polìticas cumèntzat su 2 de martzu a is 4 de a merì, in s’àula nùmeru 6 de su palatzu “surdus e mudus” in Viale Sant’Ignatziu n. 70. Titolari de su Cursu est su professori Gianni Loy. Faint letzioni, imparis cun su titulari, Piera Loi e Enrico Mastinu, professoris de Deretu de su traballu in sa facultadi de leis. Atrus espertus ant a partecipai po s’atividadi de is seminàrius. Su cursu durat 30 oras. At a èssiri de 15 letzionis de 2 oras dogna lunis, martis et mèrcuris segundu su calendariu chi est a coa. Su cursu donat deretu a 5 crèditus didàticus po is scientis de Scièntzias polìticas e de is atras facultadis chi d’amitint. Sa frecuèntzia est oberta a totus is interessaus mancai no siant assentaus a s’universidadi. Su tzertificau cun is crèditus, poi is chi passant s’esamini finali e non funt iscritus a sa Facultadi de Scièntzias polìticas, tenit valori in su sistema de s’istrutzioni pùblica. A is atrus s’at a lassai unu tzertificau de frecuèntzia. Sa preparatzioni s’at a cumpretai cun seminàrius e atrus agiudus informàticus.. Sìnteri su cursu, is professoris chi tenint is letzionis, arricint is istudentis is s’ora fissada in su calendariu de dognunu de issus. Is istudentis chi sighint su cursu e superant s’esàmini podint pediri de preparai sa tesi de laurea in sa materia de deretu de su traballu. Totus is chi funt interessaus si pondint assentai a su cursu mandendi una e-mail a s’indiritzu Linguasarda@csri.it. Po informatzionis: http://people.unica.it/cursu/ Calendariu de is lezionis Lunis , 2 martzu Presentatzioni de su cursu Martis, 3 martzu S’istoria de su deretu de su traballu, raighinas, problemas de oi. Mercuris, 4 martzu Traballu a contu de àteru (subordinau) e trabagliu a contu propiu (autonumu). Lunis, 9 martzu Is contratus atìpicus. Traballu a tempus, part-time, cuntratu a progetu Martis, 10 martzu Sighidi: Cuntratu de apprendistau, cuntratu de inserimentu, Mercuris, 11 martzu Su mercau de su traballu. Polìticas po favoressiri s’occupatzioni. Su collocamentu de is personas sfavorèssias. Lunis, 16 martzu Is partis in su cuntratu de traballu: su traballadori, su meri. Martis, 17 martzu S’incuadramentu de is traballadoris, is mansionis, su ius variandi. Mercuris, 18 martzu S’orariu de traballu. Lunis, 23 martzu Suspensionis de su traballu, po maladia, aspettativa … Martis, 24 martzu Is obligatzionis de su meri e is obligatzionis de su traballadori. Mercuris, 25 martzu Su licentziamentu individuali. Lunis, 30 martzu Sa Cassa integratzioni e su licentziamentu collettivu. Martis, 1 abrili Su traballu de sa fèmina. S'amparu de sa traballadora mamma e su deretu contras de sa discriminatzioni. Mercuris, 2 abrili Conclusionis.
|