Dae lunis 4 de freàrgiu, s’ULS de sa Comuna de Sindia, pro voluntade de s’Amministratzione Comunale at comintzadu at collire sas firmas de sos tzitadinos pro non serrare s’Univesidade Nugoresa. S’ULS at fatu sas locandinas in sardu e in italianu, at dimandadu agiudu in su blog suo, dimandende s’agiudu de sa populatzione pro collire sas firmas. < In bidda bi sunt bator istudiantes chi sunt frecuentende sos cursos de Nùgoro - at naradu Mario Antiogu Sanna, Resp. ULS de sa Comuna de Sindia - nos paret giustu a los agiudare. S’allarme paret siat acabadu, ma sa comunidade sindiesa, sighit a firmare. No s’ischit mai…..>. S’ispera est chi finas ateros ULS de sa Sardigna tzentrale, fatzant su matessi. 



Blog de sa comuna de Sindia

http://ulsdesacomunadesindianu.myblog.it/