S'universidade de Casteddu isperimentat su limbàgiu giurìdicu sardu. In sa facultade de Iscièntzias Polìticas s'est faghende unu cursu chi si cramat "Processi di standardizzazione nel linguaggio giuridico del sardo" abertu a sos iscritos a sa laurea triennale de "Amministrazione, governo e sviluppo locale". Sas letziones, abertas a 20 istudiantes, ant sa mira de informare sos dischentes a cumprèndere comente si format unu standard amministrativu in una limba de minoria comente cussa sarda. S'initziativa faghet parte de cussas reconnotas dae sa facultade comente integrativa e assegnat 2 creditos liberos a chie la frequentat. Sa faina finit sa chida ch'intrat cun unu test valutativu. 
Pro prus informos


http://spol.unica.it/html/elencredlib.asp?id=7