Unos otanta babbos e mammas de Sàrdara (CM) ant firmadu una petitzione pro otènnere in s'iscola de s'infàntzia de sa bidda s'insignamentu de sa limba sarda. S'initziativa s'est fata pro more de Giampolo Pisu, vìgile urbànu amantiosu de sa limba de identitade istòrica de s'ìsula. Sende chi de sa chistione nd'ant faeddadu sos giornales, sa dirigente iscolastica at mentovadu comente impèdumos sas dificurtade a agatare una limba istandard de riferimentu e sa farta de formatzione linguìstica de sos professores. Unu casu de dertos linguìsticos negados nointames s'artìculu 4 de sa lege 482/99 o sa simple realidade de disorganizatzione de sas iscolas sardas?