Est cumintzada su 22 de freàrgiu coladu sa faghidura de su progetu "Paisana, pais occitan", interbentu finantziadu dae su Cunsìgiu de sos ministros a mèdiu de sa lege 482/99. Pro totu s'annu 2007 custa initziativa at a batire unu muntone de fainas e sa prima at a èssere unu cursu de formatzione pro imparare a lègere e iscrìere s'otzitanu alpinu. Sas letziones s'ant a fàghere in Paisana (provìntzia de Cuneu) cun sessiones frontales e telemàticas. Sa comuna de Paisana pessat chi, cun custas atziones, si potzat torrare a iscobèrrere sas raighinas e si potzat balorizare su territòriu. 



fons: Chambra d'oc